Kabhi-kabhi dil chahta hai
kin bin kahe har icchha poori ho jaaye...
Dost tou dost,
dushman bhi saath nibhaaye...
Baarish aaye,
aur saath saare gam bhi dho le jaaye...
Hoton pe muskurahat,
ghar bana jaaye...
Sapno ki nagri mei,
hum bhi ek ghar banaye...
Andhero ki tanhayi me bhi,
roshni chha jaaye...
Band pade unn rasto ke bhi,
darwaaze khul jaaye...
Banjar padi aarzuon mei bhi,
phool khil jaaye...
Mit na sake kuch aisi yaadein,
hum bhi jee jaayein...
Bachpan ke woh din bhi,
phir se laut aayein...
Haar-jeet se hum bhi,
luka chhupi khel paayein...
Duniya se door,
hum bhi apna ek jahan basayein...
Neend se jaage aur,
sapne jee payein...
Chhuti ke baad bhi,
ek aur chhuti manaye...
Parindon ke parr,
hume bhi lag jaaye...
Duniya ki sair bhi,
hum khud udd ke kar paayein...
Iss jahan se jaane par bhi,
apni hasi peeche chhod jaaye...
Yaad kare jab zamaana hume,
tou muskurahat unke labon pe bhi chhaye...
Kabhi-kabhi dil chahta hai,
ki dil ki yeh chahtein sach ho jaayein...
